Ju kam ulur në të njëjtën tavolinë
Të dyjave të njëjtën pije,
Të njëjtën masë,
Të njëjtën gotë
Kam një dëshirë çmendurisht të çmendur t’ju shoh të dehura
Ta ndjej deri nënlëkurë,
Cila nga të dyja godet më fort.
Tango dashuri urrejtje kjo miqësi
Si pupël më ngre në ajër,
M’trullos e marramend, m’shtyn e m’tërheq si magnet
E shkuara,
M’godet pashpirtshëm e pamëshirshëm me kujtime
E ardhmja,
Me t’panjohurat edhe m’pashpirtshëm m’godet.
Kurrë s’kam pë ta kuptuar
Cila godet e vret më shumë
Edhe në i paça tri jetë…!
