Na ndau largësia, mikja ime, por dashurinë, që kam për Ty nuk na e largojnë dot, nuk ka forcë ta shkepusë atë nga thellësia e shpirtit tim ku ka gjetur strehëzën e saj të “ngrohtë”.
Po e vërtetë edhe Unë jam dakort, që mbeska ime, po qe se më lejojnë do ti vë emrin tënd Natali!!
Të të përjetësoj Natali!!.
E meriton mikja ime, aq e mirë, aq me vlerë.
U njohëm në kohë të veshtirë, thamë shumë, kërkuam pak, nuk realizuam asgjë.
Kjo qënka e thënë për Ne të dy. Fatit nuk i shpëton dot. Por tiparet e tua i ruaj thellë në “kasafortën” e shpirtit tim. Aty nuk e rreh as tufani i acartë, as poshtërsia e njerëzve, që na ndanë Ne të dy.
Aty jemi vetëm Ne të dy.
Kjo fytyrë fisnike, pak e hequr, me një buzëqeshje të hollë, dhe me sytë, që të shkelqejnë aq shumë.
I njoha syte e tu, ata sy dhe sa fort u dashurova me ata sy.
Vetëm Une dhe Zoti e di.
Sytë e tu të bukur kishin magjinë brënda tyre, kishin aq zjarr e mall për mua.
Nuk harroj vështrimin e tyre, të atyre syve të tu aq të thellë dhe aq të pakuptuar kurrë nga Unë. Sa herë ndjeja vështrimin e tyre, aq herë ndihesha ndryshe, më i kompletuar dhe ngrohtësi brënda meje merrja..
Ata sy mbetën në shpirtin tim dhe nuk mund ti shkul, aq rrënjë kanë hedhur.
Në vështrimin e pakuptimtë, zbulova jetën tënde deri në qelizën më të hollësishme, në ata sytë e tu zbulova atë pasionin e përvëluar për pak dashuri, por ndjeva dhe pikëllimin e thellë që kane ata sy, atë pikëllim, që nuk e ka askush tjetër, vetëm syte e tu e shprehin .
Ata sy herë më shikonin rëndë nën qepallat e rënduara, herë sytë e tu ishin tepër të madhërishëm aq sa Unë ngelja pa marrë frymë.
Por sytë e tu kishin brënda dhe vuajtjen tënde fatale, atë të dashurisë tonë të humbur.
Syte e tu kudo më kanë shoqëruar dhe Unë i shikoja e rrija i përhumbur brënda tyre, shumë herë mahnitesha nga ata sy.
Natali, sa herë kam vështruar sytë e tu, aq herë kam ndjerë tronditje të thellë në shpirtin tim.
….I adhuroj aq shumë sytë e tu sa është e pa mundur mos të derdhë lotë të nxehtë për ta….
A mundet vallë mbeska ime të ketë sytë e tu Natali…??!!!
