PARIME TË FORTA
Unë nuk luaj me zjarrin
Zjarrit i druhem
Zemrën e kam mbushur me zjarr
Dhe dua kurrë të mos shuhet
Unë nuk luaj me fjalë
Fjalëve u druhem
Fjalët i dua me mjalt
Dhe dua t’i qes në kandar
Unë nuk luaj me fatin
Fatit i druhem
Fati është qëllimi im
Dhe dua të triumfoj
Unë nuk luaj me fytyrën
Fytyrës i druhem
Amanet e kam prej babës
Dhe dua t’mos e tradhtoj
Unë nuk luaj me lirinë
Lojës me liri i druhem
Amanet na e lanë dëshmorët
Dhe do ta ruaj si sytë e ballit
