PËRBALLË DASHURISË
E pashë Nënën time tek mbillte dashurinë
para portës
unë shihja çuditur atëherë se si mbinte
dashuria
E pashë Nënën time tek ujiste dashurinë
kur rrinim rreth sofrës
buka bëhej e ëmbël nga dashuria
E pashë Nënën time tek na mbështillte
dashurinë rreth qafës
kur dilnim udhës t’i kërkonim ëndrrat
E pashë Nënën time tek barte dashurinë
varkës
deri në atë breg ku mbolla dashurinë time
