PASKA THËNË NJË MËRGIMTAR
i vogël është ky planet
m´i nxan dashninë e atdheut
DIELLI I MËRGIMTARIT
para se të lindë
ai perëndon
pas bjeshkës së muzgut
ETJA
të gjitha detet
që derdhen
në ëndrrën e mërgimtarit
bëhen etje
SIRENAT E ODISEUT
tanë jetën
mundohet ta kalojë
ngushticën e Sirenave të Odiseut
MËRGIMTARI
me mija vjet
lundron detit të kujtimeve
që një ditë ta prekë
bregun e ishullit që e pret
PRITJA
tue pritun trenin
në stacionin e stinëve
iu dogj bileta në xhep
