Lille ka regjistruar fitoren e radhës në Ligue 1, në të cilën merita të mëdha ka edhe Edon Zhegrova.
Reprezentuesi i Kosovës kontribuoi me dy asistime në fitoren 2:0 ndaj Monacos. Kjo ndeshje i takoi javës së dhjetë dhe u zhvillua në stadiumin “Pierre-Mauroy”, shkruan Gazeta Express.
Zhegrova fillimisht asistoi për Ivan Cavaleiron, që shënoi në minutën e 32-të.
Kurse, 10 minuta më pas, Bafote Diakite realizoi pas asistimit tjetër të 24-vjeçarit.
