Nëno moj, mbaj zi për vllanë,
Me tre plumba na i ranë,
Na e vran e na e shanë,
Na i thanë tradhëtor.
Se të deshte dhe s’të deshnin,
Se të qante kur të qeshnin,
Se të veshte kur të ç’veshnin,
Nëno moj, të ra dëshmor.
Nëno moj, vajto, merr malin,
Larot t’a përmbysnë djalin,
Qe me Ismail Qemalin,
Ngriti flamurin trimëror.
Nëno moj, m’a qaj në Vlorë,
Ku të dha liri, kurorë,
Shpirt i bardhë si dëbor,
Ti s’i dhe as varr për horr.
Nëno moj, ç’është përpjekur,
Gojë-mjalt e zemër-hekur,
Syrgjyn gjall e syrgjyn vdekur,
Ky vigan liberator.
– Fan S. Noli
