Këngëtarja e njohur, Edona Morina, ka publikuar këngën e saj më të re, të shoqëruar me videoklip, me titull “Jetoj veç për ty”, një projekt muzikor që vjen me shumë përkushtim, emocion dhe profesionalizëm.
Ky projekt është realizuar me kujdes të veçantë nga një ekip profesionistësh, ku secili ka dhënë kontributin e tij për të sjellë një këngë sa më të bukur para publikut. Për realizimin e saj janë kujdesur Baresha dhe Dream Films, ndërsa riorkestrimi, vokali, mix & master janë realizuar nga Nexh Vuniqi. Në këtë projekt janë përfshirë edhe Tafa dhe Kiki Babatinca, me instrumentet e tyre, klarinetë apo saksofon. Kënga origjinale është e autorit Dritro Shaqiri
.
Edona Morina është një emër që tashmë ka krijuar identitetin e saj në skenën muzikore shqiptare. E dalluar për zërin e saj të veçantë, interpretimin plot ndjenjë dhe paraqitjen elegante skenike, ajo arrin që me çdo paraqitje të fitojë duartrokitjet, vlerësimet dhe simpatinë e publikut.
Angazhimi i saj i vazhdueshëm në dasma, mbrëmje muzikore dhe ahengje të ndryshme dëshmon për kërkesën dhe dashurinë që publiku ka për muzikën e saj. Kudo që ka shqiptarë, aty ku ka muzikë, atmosferë dhe gëzim, Edona është një nga zërat që di ta bëjë festën edhe më të veçantë.
Me projekte të reja dhe përkushtim të vazhdueshëm, ajo po dëshmon se suksesi ndërtohet me talent, punë dhe dashuri për muzikën.
I urojmë Edona Morinës shëndet, mbarësi dhe suksese të pafundme! Le të jetë “Jetoj veç për ty” edhe një tjetër hap i bukur drejt sukseseve të reja, sepse zërat që këndojnë me shpirt gjithmonë gjejnë rrugën drejt zemrave të publikut.
Suksese Edona, muzika jote qoftë gjithmonë arsye për emocione, buzëqeshje dhe momente të paharrueshme!
