Matanë detit të kam vëlla ,
atje larg t’kam dhe ty motër
Ah ,kurbeti na ka nda ,
e s’na la bashkë në një sofër !
Matanë detit t’kam bir,ty ,
atje është dhe ime bijë
T’ju shohë nëna me këta sy ,
po pres ditën të më vijë !
Oqeane edhe dete,
na ndanë fëmijët për së gjalli !
eh ,sa halle e sa derte ,
ua qan nëna veç nga malli !
Atje larg , kam përtej detit ,
ju vëllezër e ju motra
Plagë e vjetër e kurbetit ,
këmbëkryq është ulë tek sofra
