Liga e Kampionëve është gati të rikthehet dhe Paris Saint-Germain-Real Madrid është ndeshja më e spikatur e 1/8 së finales.
Por Sergio Ramos tani do të jetë në garë me kohën për të qenë gati për ndeshjen e parë në Parc des Princes më 15 shkurt, shkruan Gazeta Express.
Pasi lëndimi e la jashtë fushës për muajt e parë të sezonit 2021/22, qendërmbrojtësi më në fund ishte në gjendje të fillonte të shfaqej për klubin francez në javët e fundit, por tani ka pësuar një problem muskulor në stërvitje.
Kjo sipas Le Parisien, i cili shton se spanjolli duhej të largohej herët nga një seancë stërvitore e PSG-së pasi vuri re këtë problem.
Ramos është i motivuar të luajë kundër ish-klubit të tij, të cilin ai u largua për PSG në verë.
Ai do të luftojë për të qenë i aftë për atë ndeshje të parë më 15 shkurt, përpara se të rikthehet në Estadio Santiago Bernabeu më 9 mars.
