Fluturo poezia ime atje larg ku s’shkel njeri
Përshëndeti të gjithë njerëzit e zemrës
Me fjalët më të bukura që di ti
Shpërfaqë paqe e dashuri në njerëzi
Fluturo poezia ime në tokë e qiell
Se për ty s’ka kufij e barrierë
Se ty askush s’mund të të ndalë
Fuqinë tënde se ka asnjë mal
Fluturo poezia ime plot dritë
Shkëlqe si diamant në errësirë
Edhe nëse “disave” sytë ua verbon
S’ka rëndësi se drita e diellit ua shëron
Fluturo poezia ime fjalë e lirë
Mos u trembë nga asnjë paragjykim
Se shpirtin e artistit nuk e trembë asnjë armik
Ai është një shpirt i lindur stoik
