Mund të ikësh hapësirave pafund
këmbëve copa dheu do të ruhen
dhe si për inat do të trazojnë ikjen
Do të kërrusesh t’u gjunjëzohesh copave
do të vajtosh për dheun tënd nën këmbë
Detit me valë mund të ia mësyesh
të çmenden dallgët mu në mes të natës
pas do të ndjek fill i këngës së gjyshit
për zanat nga merrte fuqi Muji
Kryet përpjetë qiellit s’ta lëkundë as era
këmbët gëlltisin copat e dheut
i huaj porteve ku shitet e blihet shtrenjtë
fjala jote
