E drejta ka ngelur peng
Përdit e shpojnë
Qukapikët e kohës
Si e keqja
Që grimcon ngadalë
Ashtin e kokës sonë
Ajo herë lidhet me pranga
Herë rrihet
Nga valët e erërave të zeza
Emri fshihet pas hijes së vet
Nga satani me brirë
E drejta shkëputet e pritet
Si nga shpata e Demokleut
Ajo e lodhur tërhiqet zhagazi
Për t’u ngjitur
Deri në pikën e ngadhnjimit
Bilall M. Maliqi -PENG
TË NGJASHME