Musiala është një lojtar i jashtëzakonshëm, por po bëhet gjithnjë e më e qartë se Bayerni po mendon ta largojë atë për shkak të problemeve shëndetësore.
Dëshmi për këtë është deklarata e hapur e Rummenigge-s: “Ai na kushton shumë para dhe nuk besoj se ndonjë klub do ta blinte në gjendjen që ndodhet aktualisht.”
Le t’ju pyes diçka: nëse Musiala do të ishte lojtar i Barcelonës, a do të dilte Laporta publikisht për të njoftuar se dëshiron ta shesë, ashtu siç ka bërë Bayerni? Sigurisht që jo.
Barcelona e mbështeti Dembélé-n për vite me radhë, qëndroi pranë tij gjatë dëmtimeve dhe nuk hoqi dorë kurrë prej tij, derisa ai u largua përfundimisht drejt PSG-së.
E njëjta gjë ndodhi me Ansu Fati-n. E të mos harrojmë Umtiti-n, i cili kishte një kontratë të majme dhe sakrifikoi karrierën e tij te Barcelona për Kupën e Botës, për t’u gjendur më pas në një situatë ku karriera e tij praktikisht mori fund.
Tani klubi po vepron njësoj me Christensen-in, duke qëndruar pranë tij pavarësisht problemeve me dëmtimet.
Nëse Musiala do të ishte lojtar i Barcelonës, gjëja e parë që do të bënte klubi do të ishte rinovimi i kontratës së tij, qëndrimi pranë tij dhe mbështetja psikologjike. Kjo është mentaliteti i Barcelonës.
Një klub që nuk i sheh lojtarët e tij thjesht si asete financiare për t’u hedhur mënjanë sapo të përballen me vështirësi, por qëndron pranë tyre dhe i mbështet, si psikologjikisht, ashtu edhe si qenie njerëzore.
Dhe pikërisht për këtë arsye, Barcelona është më shumë se thjesht një klub.
