Trajneri gjerman, Hansi Flick, ka shprehur hapur ambicien e tij më të madhe në krye të Barcelonës, duke theksuar se synimi kryesor është triumfi në Ligën e Kampionëve.
Në një prononcim të fundit për mediat, Flick u shpreh se drejtimi i klubit katalanas është një sfidë e madhe, por edhe një mundësi e jashtëzakonshme për të arritur sukses në arenën ndërkombëtare.
“Ëndrra ime është të fitoj Ligën e Kampionëve me Barcelonën. Ky është një klub me histori të jashtëzakonshme dhe me një mentalitet fitues. Ne do të punojmë fort për ta rikthyer ekipin në majat e futbollit evropian,” deklaroi ai.
Flick, i cili ka përvojë të suksesshme në garat evropiane, theksoi se projekti i Barcelonës kërkon kohë, përkushtim dhe bashkëpunim të plotë mes stafit dhe lojtarëve.
Barcelona mbetet një nga klubet më të mëdha në botë, ndërsa tifozët presin rikthimin e lavdisë në Ligën e Kampionëve, një trofe që ka munguar në vitet e fundit.
Me ardhjen e Flick, shpresat janë rritur se katalanasit mund të rikthehen sërish si pretendentë seriozë për titullin më prestigjioz në futbollin evropian.
Ndryshe, Barcelona e Flick është në rrugë të mirë që këtë sezon ta fitojë La Ligën që do të ishte trofeu i dytë radhazi për ‘Blaugranat’ nën drejtimin e strategut gjerman
