Me ty nis dimri herët
Me të tjerë xhindosesh
Bëhesh llavë
Acari thurimë akulli
Kristalesh pika gjaku
Mbi të bardhën borë
Gjithkah lapidarë
Kur liria vjen vonë
Ti u bëre ujk në kohë ujqish
Të mos çahej
Ndahej hahej
Toka
Ti u bëre ujk
Klithjesh të heshtura
Ndale orteqet e së keqes
O ujku im i mirë
Secilës retinë ia pe lojën
Mes ujqish
Ia nise udhës së shkronjave
Pa të bërë vërr syri
Unë pres qëndismën
Si ajo goca e flamurit
E di që ti s’ma fale kurrë ikjen
A nuk qe kohë ujqish
Mos e përsërit shikimin
O trimi im i mirë
Mes ujqve duhet të jesh ujk
O ujku im i mirë
Digju siç digjet pritja ime
Për shkëlqimin tim
E tëndin
Marigona Kelmendi-Ujk e ujq
TË NGJASHME