Reduktimet e rrymës kanë bërë që edhe komunikacioni në Prishtinë të bllokohet, kjo pasi janë ndërprerë edhe semaforët.
Nga pamjet e siguruar nga Metro shihet se si është krijuar tollovi në udhëkryet kryesore të kryeqytetit; te Menza e Studentëve dhe të Katerdalja, dy rrugë të mbingakuara me vetura dhe njerëz.
Qytetarët në Kosovë, nga e mërkura e 22 dhjetorit, përballen me reduktime të energjisë elektrike.
Kompania Kosovare për Distribuim të Energjisë Elektrike (KEDS) njoftoi se reduktimet pritet të zgjasin rreth dy orë në ditë, në kohë të ndryshme, dhe se do t’i prekin të gjithë konsumatorët, përveç atyre emergjentë, raporton Radio Evropa e Lirë.
Reduktimet u udhëzuan nga Operatori i Sistemit dhe Tregut – KOSTT, për shkak të mbingarkesës në sistemin elektro-energjetik.
