Friday, March 29, 2024
BallinaVitrina e libritÇaste poetike me poeten Fatime Kalimashi

Çaste poetike me poeten Fatime Kalimashi

SIKUR TË GJEJA GUXIM

Sa do të doja të gjej guxim

T’i them të dua si shpirtin tim

Me dashuri ta shuaj etjen

Në sytë e saj ta shikoj veten

Sa do të doja të ndihem mirë

E nga buzëqeshja shpirtin ta shëroj

Veç një herë ta kem pranë

Për një çast dhe veten ta harroj

Sa do të doja të gjej guxim

Nga puthja e saj të mos kem shpëtim

T’i hap krahët fort e të fluturoj

Përqafuar me të diku larg të shkoj

Ah! Sikur të gjeja guxim

E t’ia them dy fjalë të ëmbla goje

T’i them ti dashuri ilaç për shpirtin tim

Për ty ëndrrat kurrë s‘kanë të mbaruar

Se shpirti im

Veç në përqafimin tënd

Mund të gjej shërim

…………………………………………………

Sonte

———

Dua ta mbyll vargun me të vetmen fjalë

Për njëri-tjetrin sa shumë kemi mall

Kemi shumë mall se shihemi rrallë

Sonte

Do e mbyll vargun me dy fjali

Një për sytë e tu një për sytë e mi

Njëra është mallëngjim e tjetra dashuri

Sonte

Po e mbyll vargun me pak fjalë

Ne po plakemi dalëngadalë

Jetuam jetën si në përrallë

Sonte

Unë po e mbyll vargun në poezi

Ti mbylli buzët mbi sytë e mi

Mallin ta shuajmë me dashuri

……………………………………………….

FLAS ME VEPRA

Jam mësuar të hesht

Jam mësuar dhe të flas

Jam mësuar të buzëqesh

Në vend që të bërtas

Kam mësuar nga heshtja

Kam mësuar dhe nga fjala

Kam mësuar nga jeta

Dhe sa vlerë ka rrugëdalja

Kam falur por kurrë s’kam harruar

Për asgjë kurrë s’jam penduar

Nga njerëzit e ligë shumë kam mësuar

Por nga rruga Zotit kurrë s’jam larguar

Kam kujtuar se heshtja është krejt flori

Me kohë mësova kush dhe çka ka rëndësi

Prandaj mos hesht por fol ku duhet folur

Me vepra të mira dëshmoje kush je ti…

FK

TË NGJASHME

Komento

Shkruani komentin
Shkruani emrin

TË FUNDIT