KRENARIA E LLAPIT
(Ilir Konushevcit)
Krenari e Llapit…
Dhe e tërë Kosovës
Përjetësisht ke mbetur
O bir i Nënëlokes
Ti, Ilir s’ke vdekur
Je prore i gjallë
Krenarë i përulemi
Tëndit lapidar
Lumë nëna që t’lindi
Lumë Atdheu që t’pat
N’ Flamur u lartësove
Lart edhe më lart
Obelisku Yt
Qëndron madhështor
E stolis Flamuri
Lulet me kurorë
Në krahët e Shqipes
Emrin Tënd ta shkruajmë
Nderim dhe respekt
Përherë për ty ruajmë
