PRILLI
Mëngjeset të freskëta vijnë,
E rrezet pa pengesa zbresin,
Zogjtë, tufa tufa po mbërrijnë,
Edhe pemët, si vajzat i presin,
Pa vellon e bardhë mbuluar,
Sepse lulet i ka mbledhur era,
E kokrrat, të rriten kanë filluar ,
Si femër, më ngjan pranvera.
Flladi, me aromat përzjehen,
Tek dëgjon zërin e një bilbili,
Në shpirt të gjitha të kthehen,
Si muzikë, që e ka sjellë prilli.
Ashtu m’u duke, kur erdhe ti,
Më e bukur ishje, në këtë muaj,
Se qielli u zbeh, por nuk u nxi,
Sikur vije, nga një botë e huaj.
Ti ndoshta, s’e shikove me sy,
Se qielli, nuk u zbeh rastësisht,
Por qenë shënja dobësie për ty.
Po ashtu dhe tek mua natyrisht.
S’të prisja, që ti të vije kështu,
Edhe prillit, ti ngjyrat ja more,
I vendose tek balli gjithashtu,
E bukur, e bardhë si lule bore.
