E ardhmja e Luka Modricit ka mbetur ende pezull derisa veteranit të mesfushës do t’i skadojë kontrata në fund të këtij muaji.
Ylli kroat e fitoi Ligën e Kampionëve për herë të gjashtë me Real Madridin teksa e mposhti Borussia Dortmundin me rezultat 2:0 në ndeshjen e zhvilluar në stadiumin Wembley të Londrës.
Edhe pse në këtë sezon pati paraqitje më të rralla, 38 vjeçari nuk e ka ndërmend të dorëzohet, shkruan “Gazeta Express”.
Përfaqësuesi kroat dëshiron të luajë edhe një vit në “Santiago Bernabeu”.
Një mundësi të tillë e konfirmoi edhe presidenti i Realit, Florentino Perez gjatë festimeve për Championsin e 15-të të madrilenëve.
Ndërkohë, ish-futbollisti i Tottenhamit e ka bërë një postim në rrjetet sociale, përmes së cilit e ka lënë të hapur mundësinë e qëndrimit në Madrid.
Shihemi në sezonin e ardhshëm, Madridista”, deklaroi Modric gjatë festimeve të madrilenëve për trofeun e Championsit.
Ai në këtë javë mund ta nënshkruajë kontratën e re njëvjeçare, e cila do ta mbante atë të lidhur me kampionin spanjoll dhe evropian deri në qershor të vitit 2025.
Luka Modric ka qenë njëri prej mesfushorëve më të mirë në botë në dekadën e fundit.
