Lepurushi (i egër)
Lepurushen e butë
e qarkoj
me buzë,
e kafazoj
me krahët e mi,
e ekzekutoj
me dhëmbë e kafshë-rime,
pastaj e ringjall
kur të më ketë dalë pija e gjumi
me një puthje
ende pa lindur dielli:
-Mirmëngjes,
dita e re filloi.
-Më dhemb gjithë trupi….
-Më djeg çdo muskul!…
Ditë e re ka nisur,
çarçafët pasqyrojnë
bardhësinë e trupave tanë
të zhveshur.
Ajo e vdekur
mbi gjoksin tim varroset
duke buzëqeshur.
