DASHURISË
Vjen ti , shpesh si e çmendur ,dashuri
E herë e urtë si një manare
Herë ,ti vjen me përkëdheli
E herë , herë si mëkatare
Shpesh herë ,ti ,vjen me xhelozi
E herë e butë si një mëndafsh
Herë ,herë vjen me ëmbëlsi
Herë si pasion e si afsh
Herë vjen si gonxhe e bukur
E shpërthen si lulja n’Maj
Ulesh në krahë si një flutur
E zemrës ja shton rrahjet e saj
Kush vallë ,s’të ka provuar
Më thuaj , ti, dashuri
Sa herë ke ardhur e shkuar
Si zjarr ke mbetur në gji
Si flakë prej kashte ,shpesh herë je djegur
E herë si druri që ndizet n’oxhak
Zjarr i pashuar gjithmonë ke mbetur
Se dashuria nuk është mëkat
