NUK MUND PA TY
Të gjithë më thonë hiq dorë nga ti
Kjo lidhje nuk duhet të zgjasë.
Premtoj në heshtje,me lot në sy
Dhe më shumë të dua,pa masë.
Nuk mund të le,zemra s’më bindet
Logjika lufton me arsyen.
Kjo dashuri më ka magjepsur të gjithën,
Dhe ndjenja rebelohet,ngre krye.
Pa ty çdo gjë më duket e kotë,
Vetë jeta bëhet e tillë.
A ka dikush që mund të më thotë
Si mund ta shmang këtë trill?
