MALLE ARBËRESHËSH
Atje larg , matanë detit ,
Mbeti Dheu i të Parëve .
I lamë mallet e shpirtit ,
Sipër gurëve të varreve .
Lamë mallin Tokës Amë ,
Që të largëtin e atij Moti ,
Kur ra kobi , na ra gjëmë ,
Kur na la Gjergj Kastrioti .
Ikëm larg , lamë Arbërinë .
Mbet e shkretë Ama jonë .
Dhe ia lamë shterpë gjinë .
Krujë , Rozafë , Argjironë
.
Këtej po na digjet shpirti ,
Për pak Dhe e Baltë Ame .
Loti s’shteri si pus gushti ,
S’shteri loti për mall Nëne .
