MALO PESHKATARI
( Humor )
Buzë gjolit dal për peshk ,
E hedh grepin dhe zë lesht !
Atje tutje është një ngjalë ,
Ruajta të më thosh një fjalë .
Kur më pa kështu të thinjur ,
Si sarhosh e të panginjur ,
E zuri kokën me duar ,
Ikë më tha , o kandil shuar !
Ç’të duhet peshku e ngjala ,
Se në fyt të ngec hala !
Nuk të del një pulë katundi ?
Ha atë të të marrë gjumi !
Dije mirë bre katundar ,
S’bëhet Malua peshkatar !
Qeni plak s’mëson të gjuaj ,
Ndaj si dreqi hiq dhe vuaj !
