Marigona Kelmendi-Pat

Të ka ndodhur të stepesh
Ta ndalësh orën
Ta duash pakohën
Ajri të ngulfatë
Me mbyllje sysh
Pastaj
Të ka ndodhur ‘i copë pushimi
Për një moment ndalese
Gjithë çfarë lëviz rrotull e rrotull
Ti vetëm me botën tënde
Tokën duke mos e ndier
Nën këmbë që drithërin
Rrotacion të mos ketë
A thua të ka ndodhur theqafja
Te ndonjë ishull pa formë
Më thuaj në cilin planet
Flitet me heshtjen tënde
Durimit i fola etur
Premtimi dhuratë që përsëritet
Pak ecje
Pak fjalë
Pak besë
E pat
Pat