Lundroj ulur nëpër dallgë deti,
ëndërr varur në muret e mia,
në thellësi shpirti pëshpërit,
kujtimet nëpër zemër valvit.
Fotografinë, përkëdhel e ruaj,
vargje shpirti për ty shkruaj;
si lule që ujitet e kultivohet,
shpirt plot gjallëri të trajtohet.
Sa ëmbël më flet e buzëqesh,
e varur në mur, o princeshë!
Të dua, të ledhatoj me fjalë e sy,
si të ishe pranë, jetoja me ty.
Bilbili të sjell puthje e fjalë, të mia,
ledhato buzët me atë trëndafil;
më lundron zemra – fotografi mbi det,
në ato valë përplasem unë vetë.
