Monday, October 3, 2022
BallinaVitrina e libritPoezi nga Riza Reshani ....

Poezi nga Riza Reshani ….

ÇMALLJA ME VENDLINDJEN

Në Geriçec u çmalla me gurët

Arave të babait iu rash trup e tërthor

Malësorëve ua putha nurët.

Varri i gjyshit m’ u duk si meteor.

Fëmijë u bëra në vendlindje, dje.

E luajta me topa arnash të butë.

Arave lëruar me parmendë e qe.

Fushat i kaptova, skutë më skutë.

Te kroi i fshatit mbusha fuqitë me ujë

Ibrikët e vegjël për mysafirët udhëgjatë

Te trapazani, rashë në gjunjē

Urtinë e Odës, ku e mësoja përnatë.

Faroshin e mbusha me trosha sofre.

E rrugën e mullirit e shkela si dikur.

Mullaret e sanës i çukita me brofe.

Në grazhde deleve iu qita ballgur.

Mullaret e sanës i çukita me brofe.

Në grazhde deleve iu qita ballgur.

I hëngra dy flakaresha të nxehtë!

Ik çerrata, mos u bë pishpirik!

Poshtë nën fshatin tonë të rrafshët

Lumi i qetë si dikur gurgullonte

Nga mulliri i babait veç gurët e lashtë

Toka e verdhë m’ u duk se lotonte.

Kujtimet e fëmijërisë më bën me vaj

Lama e motmotit m’ u kujtua me kuaj.

Dardha vjeshtore e vyshkur, e verdhë

Pllug s’ gjeta vendlindjen me mbjellë!

Artikulli paraprakLuana Vjollca na pershendet nga Milano…
Artikulli i ardhshëmValbona Magjike
TË NGJASHME

Komento

Shkruani komentin
Shkruani emrin

TË FUNDIT