Thursday, September 29, 2022
BallinaLajmeDetaje nga dosja e Prokurorisë për grabitjen në Parallovë

Detaje nga dosja e Prokurorisë për grabitjen në Parallovë

Të marten është arrestuar Dardan Gashi, 29-vjeçar lidhur me grabitjen e armatosur në Parallovë të Gjilanit.

Prokuroria Themelore në Gjilan ka kërkuar caktimin e masës së paraburgimit.

Në kërkesën e Prokurorisë thuhet se Dardan Gashi dyshohet se me qëllim të përvetësimit të kundërligjshëm pasuror për vete, me qëllim që ta mbrojë pasurinë e vjedhur me përdorimin e forcës, ka ndihmuar në grabitjen e armatosur që ka ndodhur në fshatin Parallovë, më 18 nëntor, rreth orës 15:20.

Grabitjen dyshohet se e kanë kryer katër persona të armatosur, me armë të gjata AK-47, të cilët kanë arritur të grabisin një sasi të parave nga furgoni Fiat, i kompanisë “Besa Security” i cili bartte para nga Gjilani në Prishtinë.

Derisa furgoni ishte në lëvizje, sipas Prokurorisë, papritmas ishte fikur dhe përkundër tentativës për ta vënë në lëvizje automjetin, një gjë e tillë nuk ka ndodhur.

Në ato momente, para këtij automjeti ka kaluar vetura e llojit Zafira, ku nga e njëjta dyshohet se kanë dalë katër të dyshuarit e maskuar dhe të armatosur dhe kanë shtënë në drejtim të furgonit dhe kanë grabitur 10 çanta me para.

Këtë veturë, të dyshuarit më pas e kanë djegur dhe janë larguar me veturën e tipit Volvo, e cila siç thuhet në kërkesën e Prokurorisë që e ka Sinjali, pas identifikimit është gjetur se ishte publikuar për shitje nga i dyshuari Dardan Gashi, nga i cili më pas është konfiskuar libreza e qarkullimit e kësaj veture. Transmeton gazeta Front online

TË NGJASHME

Komento

Shkruani komentin
Shkruani emrin

TË FUNDIT