Një familje ka organizuar dasmë me mbi 300 të ftuar në fshatin Hereq të Gjakovës.
Me të marrë këtë informatë Policia e Kosovës ka reaguar duke e ndërprerë dasmën dhe shpërndarë dasmorët për shkak të shkeljes së masave anti-COVID.
Lajmin e ka bërë të ditur për Front Online zëdhënësi i policisë për rajonin e Gjakovës, Nysret Gjurkaj.
“Rreth orës 18:30, Stacioni policor në Gjakovë ka pranuar informatë se në fshatin Hereq, Gjakovë në lokalin “Fetah” është organizuar aheng familjar (dasma). Policia ka vepruar së bashku me inspektorët e AUV-it dhe nga ana e tyre (AUV) është shqiptuar dënim (gjobë), si dhe janë larguar të gjithë mysafirët”, tha ai për Front Online.
