Wednesday, November 30, 2022
BallinaVitrina e libritMirlinda Latifi-TINGUJT E ZEMRËS

Mirlinda Latifi-TINGUJT E ZEMRËS

TINGUJT E ZEMRËS

Nëse doni të udhëtoni
shtigjeve të pathyeshme të jetës
përballuni me labirintet
notat e pentagramit
janë tingujt e jetës sime


Nëse nuk doni të vdisni
mbilleni s’paku një fidan
derisa të çel një lule në degën e tij
ju jeni të gjallë


Hapni shtigje të reja
thyejani djallit pusinë
ngado që të ecni
rruga e re t’iu shëndrijë


Nëse doni ta vizatoni një pikturë
përdorni mozaik ngjyrash
bota është e tillë
si ylberi që shkëlqen pas shiut
horizonte të bukura jete


Nëse nuk doni të vdisni si hijet
të mbeteni
falni dashuri njerëzore
ndryshe do të quheni
shtegtarë në kohë mizore


Nëse doni të shihni ëndrra të bukura
përqafoni ëmbëlsinë e jetës
atë që ia dëshironi vetvetës
mbëltojeni te të tjerët
me afshin e zemrës

TË NGJASHME

Komento

Shkruani komentin
Shkruani emrin

TË FUNDIT