Kur pata kaçurrela
Dikur, ca kohë më parë,
I bëra flokët kaçurrela,
Kur më pe, sytë të qeshën
flakë e më thanë:
Sa bukur dukesh, në flokët
dredha-dredha
.
Me more nga dora e më çove,
Buzës së detit në dallgë të egra,
Atje pashë më të bukurit
trëndafilë,
Atë, me erën më të mirë këpute
dhe e fiksove te dredhat.
Dhe flisje e flisje papushim,
Fjalët e ëmbla me endje t’i dëgjoja,
Vështrime dehse e fjalë magjike
për dashurinë,
Sa desha atë moment fatlum,
pambarimisht të të përqafoja…
Ai trëndafil i kuq erëmirë,
që dikur e këpute
dhe e çove te dredhat,
Më vjen përmallisht
i dashur ndër mend,
kur dëgjoj këngë për
kaçurrelat…
