Thursday, April 18, 2024
BallinaLajme“Me kallashnikov do ju vras të gjithëve”, pjesëtarë të KFOR-it italian kanosen...

“Me kallashnikov do ju vras të gjithëve”, pjesëtarë të KFOR-it italian kanosen në Prizren – arrestohen të dyshuarit

Gjatë ditës së sotme janë kanosur pjesëtarët e KFOR-it italian në Lubiçevë të Prizrenit, teksa po zhvillonin një vizitë aty. Sipas policisë, trupat e KFOR u kanosën nga dy personatë cilët më vonë u arrestuan.

Zëdhënësi i policisë për rajonin e Prizrenit, Shaqir Bytyqi, tha për Gazetën Express se kur policia shkoi në vendin e ngjarjes mësoi nga karabinierët se derisa ishin duke qëndruar në një lokal aty në fshat, të dyshuarit afrohen fillimisht duke i ofenduar e me pas “njëri nga të dyshuarit i ka kanosur me vrasje duke ju thënë ,,se do shkoj në shtëpi të marr Kallashnikovin dhe do ju vras të gjithëve”.

Bytyqi tha se pas kanosjes, të dyshuarit janë larguar me veturë në drejtim të Prizrenit.

Fillimisht është arrestuar njëri nga të dyshuarit e më pas edhe tjetri.

“Janë bastisur shtëpitë  e dy të dyshuarve, në shtëpinë e njërit nga të dyshuarit është gjetur një pushkë dhe municion”, tha Bytyqi për Express.

Të dyshuarit me vendim të prokurorit janë ndaluar për 48 orë.

TË NGJASHME

Komento

Shkruani komentin
Shkruani emrin

TË FUNDIT