Dola të shëtis qytetin e shndritshëm.
Dhimbjen të lë diku në një cep.
Rrezet e diellit më sollën ca kujtime,
Fotografia jote në xhep, më flet.
Më lejo të të përkëdhel mendimin.
Frymë nga ëndrrat e tua të marr.
Të prek ajrit buzëqeshjen tënde.
Qetësinë, të të prish sadopak.
Shi lotësh shpirtin më mbyt.
Nëse je zanë, bëhu njeri, folëmë dritë.
Kur diçka e jotja qenien time prek.
Vdekja, vjedh gojë e flet.
Kujtimi yt, mall i panxjerrë.
Herë hënë me yje.
Herë ylber.