VEÇ TY TË KAM
Më mban inat?Jo se besoj.
Quaje shpirt k’të vetëm lojë.
Duel të heshtur ti zemrash quaje,
Vetëm helm mos nxirr prej goje.
Zemërimi yt më ka çuar në djall
Shumë herë me vepra,pak më tepër me fjalë.
Por unë s’mërzitem me kapriçot e tua
Të njoh kaq mirë dhe më shumë të dua.
Dashuria e zjarrtë më ka çmendur,mbërthyer,
Çuditërisht s’shoh askënd në shpirt kaq të vyer.
Ti je gëzimi i vetëm i ditëve të mia
Imazh që s’më braktis dhe kur kaplon vetmia.
Të kam gdhendur në zemër dhe gjithë qënien time
Je afër dhe larg,tundon me mendime.
Veç ty të kam dhe askënd tjetër.
Më ke dehur,marrosur si vera e vjetër…
