DYER T’BLINDUARA ,SHTËPITË HARRUAR !
Shikoj shtëpi me dyer t’blinduara
Brenda nuk kanë asgjë me vlerë
Shtëpi të shkreta e krejt të vetmuara
Nuk troket më askush në derë
Brenda shtëpive nuk ka njeri
Muret e tyre veç qajnë në heshtje
Me njeri ,tjetrin flasin n’vetmi
Loti shpëthen si shiu pa reshtje
Ndonjë i moshuar rri vetëm në shkallë
E flet me vetminë në prag të derës
Gjysëm i vdekur e gjysëm i gjallë
Lutet t’i çelin lulet ,Pranverës
Dhe dallëndyshet i treti mërgimi
Fole’ të re larg kanë ndërtuar
Dhe muret çdo ditë qajnë nga trishtimi
Me dyer t’blinduara ,shtëpitë harruar
