Erdhe vonë i dashur,erdhe
vonë,
tani dielli im është në perëndim,
dikur erën e mbaja mbi supe,
tani ajo më shtyn me përtim
Fjalët shtegtuan bashkë me erën,
harresa disa fjalë s’di ku m’i fsheh
ti erdhe të takosh kujtimet tona
…më mirë vonë,se kurrë- më the
Erdhe vonë i dashur,erdhe vonë
dhe grise heshtjen e vetmisë time,
malli i viteve paska të njëjtën aromë,
akoma pritja endet nëpër kujtime…
