Dikur e kisha vështirë të them
E dua Shqipërinë
Më duhej ta gjeja një metaforë
Apo me folë me rrotulla të popullit
Pa më kuptue vrasësit e atdheut
Sa e dua Nënën
Se për dardanët nëna e jonë
Ishte Shqipëria
Të zitë e ullirit e kam pa pesë shekuj të ferrit
Por kemi mendue dhe kemi folë shqip
I kemi qëndrue besnik Pashko Vasës
Lutjet për liri i kemi bërë në gjuhën tonë
Çiriun e Naimit e kemi ndez në gjuhën e nënës
Të eci përpara dhe ta shkëli tokën e hënës
Si popujt tjerë që kanë ecën me vite para meje
Ferri i Dantes ishte edhe ferri im
Që nuk më ka lenë të zgjohem me kohën
Kurrë nuk është vonë më u zgjue nga gjumi
Miqtë e mi vërëni gishtin në koké
Dhe më thoni të vërtetën a t’i themi lirisë liri
Edhe pa emrin e bukur shqip Çamëri.
