Tërhiqem disi ngadalë
Nga një drithërimë çasti
Tek nis një faqe të re
Të librit të jetës
Leximi shkronjat përpin
Me një etje piku vere
Djersitur vazhdoj
Fjalë pas fjale
Faqe pas faqeje
Kapitujve
Herë-herë plot dhembje
Më pas ndonjë happy
(Si rrallë shumë rrallë)
Kur më ngroh dielli
Kur pres natën
Të më freskojë hëna
Me mendime që rëndojnë
Në strofullën e mëkatit
Ti frymo qetë
Edhe pse ta njoh tërbimin
E sheh jam një matadore
Sepse robe nuk zgjodha të jem
Pikësynim tjetër nuk gjej
As nuk i duhet kësaj fryme
Ecejaket na duhen
Të shohim rrugën në sy
Po ti ku ike tani
Duhet të jesh pranë
Me dallgët e dashurisë
Marigona Kelmendi-Pikësynim
TË NGJASHME