Dikur me ty koha s’kishte orë
çdo çast ndizej si agim
fjalët lindnin me një shikim
heshtja fliste me gjithë shpirt
Dikur me ty hapat ishin këngë
rrugët e botës s’kishin kufi
në çdo qoshe një dritë e dashurisë
në çdo buzëqeshje një premtim
Dikur me ty yjet shëndrrisnin
ndriçonin çdo ëndërr
nata s’kishte as fund, as frikë
se ishe ti drita ime
Tani kujtimet mbeten në sirtar
si letra e vjetër që koha i treti
unë ende të ruaj në zemër
si një poezi që s’harrohet kurrë në jetë
