Dielli të rrijë lart , kurrë të mos perëndojë !
Natën mos ia pafsha bojën , nxirësinë sojën .
Mëngjeseve pafundësisht gjelat t’këndojnë ,
ekspresët e kafesë të tymnojnë e zhurmojnë .
Rrugët e qytetit tim t’i shohë të lulëzuara ,
fëmijët që këmbëshpejtojnë t’lumturuar!
Urbanët borijeve t’u bjenë si sirena urimi ,
këngët, valle, mos t’mbarojë kurrë gëzimi!
I dua rrugicat përplot me njerëz dhe fëmijë .
Hareja të ndihet kudo në vendin tim
Lumturia buzëqeshja dhe harmoni,
shëndet e mirëqenie kudo të ketë !
Nënat ti shoh vetëm buzë duke qeshur ,
prindërit mes fëmijëve që aq lumturojnë!
Burrat , djemtë, gratë me krahët përveshur ,
të gjithë për në punë të ndryshme nxitojnë !