Jo çdo fitore festohet në fushën e blertë. Këtë herë, emocionet më të mëdha për Benjamin Pavard kanë ardhur larg stadiumeve, aty ku ka nisur sfida më e bukur e jetës, ajo e prindërimit.
Ylli francez i futbollit dhe partnerja e tij, aktorja dhe modelja me prejardhje nga Kosova, Kleofina Pnishi, janë bërë prindër për herë të parë.
Lajmin e bukur e ndanë me ndjekësit e tyre përmes rrjeteve sociale, duke publikuar disa fotografi plot emocion me vajzën e porsalindur.
Çifti zbuloi gjithashtu edhe emrin e vogëlushes, e cila quhet Lena Rose Pavard.
Postimi u prit me urime të shumta nga fansat dhe miqtë e tyre, të cilët i uruan çiftit shëndet, lumturi dhe shumë momente të bukura në këtë kapitull të ri të jetës./Front online/
