KJO UDHA E NGUSHTË
( Lirikë )
Udha e ngushtë , ngelur pa kalldrëm ,
Këpucët e reja , po më shkojnë dëm .
Po si nuk u lodha , vi e shkoj përherë ,
Si s’ta gjeta hapur , të shkretën derë ?!
S’paska qënë e thënë , nuk qënka fat ,
Dita e kthyer natë , po dhe nata – natë .
Atëherë më thuaj , ç’është ky mallkim ?
Oh , në ke Perëndi , shkel mbi fatin tim !
Shkele me këmbë , vere ndarës murin ,
Po dhe prapa murit , ty ta shikoj nurin !
Në u thye zemra , ndodhi kjo që ndodhi .
Deti përbrenda shpirtit , tallazet i nxori .
Udha e ngushtë , ngelur pa kalldrëm ,
Këpucët e reja , po më shkojnë dëm .
Nuk dua t’i llustroj , le t’i prishë balta ,
Vetëm le të kthehen ato kohë të arta !
