Thursday, September 29, 2022
BallinaLajmePunëtorët shëndetësorë në grevë...

Punëtorët shëndetësorë në grevë…

Punëtorët shëndetësorë sot kanë hyrë në grevë,për shkak të mosrealizimit të kërkesës së tyre dhe kanë një mesazh për kryeministrin Kurti.

Me këtë rast, kryetari i Federates së Sindikatave të Shëndetësisë, Blerim Syla ka thënë se punëtorët shëndetësorë në 43 qendra shëndetësore kanë hyrë në grevë. Ai ka thënë se do të vazhdojnë me veprime të njëjta derisa të mos plotësohen kërkesat tyre.

“Pacientëve ju kërkoj falje që Qeveria Kurti na shtini që për tetë orë të ndahemi nga ju. Greva do të vazhdojë edhe një orë e gjysmë. Në 43 qendra shëndetësore i janë përgjigjë 100 për qind grevës. Për ne sindikalistës kjo është një arritje e madhe se po tregon një unitet sa i përket kërkesave tona. Sot janë punuar të gjitha rastet emergjente. Sot kjo grevë është senzibilizu në mbarë Evropën.

Ne edhe njëhere po i dergojmë një mesazh kryeministrit Kurti që sot nga ora 15:00 të filloj të mendoj. Le te jetë ky mesazhi i fundit për Qeverinë Kurti, të ulem dhe të bisedojmë. Mos na shtini me bë gjëra të tilla”, ka shtuar ai.

Rrahman Jashari ka thënë se kërkesa e tyre është modeste, se duan dialog me qeverinë. Ai ka thënë se nëse kërkesat e tyre nuk pranohen, do të ketë edhe protesta e greva nga punonjësit e arsimit.

TË NGJASHME

Komento

Shkruani komentin
Shkruani emrin

TË FUNDIT