Monday, October 3, 2022
BallinaLajmeArrestohet personi që duke u prezantuar si polic ndalte vetura në autostradë

Arrestohet personi që duke u prezantuar si polic ndalte vetura në autostradë

Policia ka arrestuar një person, i cili duke u prezantuar si polic, ka ndaluar veturat në autostradën “Ibrahim Rugova”.

Në njoftimin e Policisë së Kosovës thuhet se pas pranimit të informacioneve të bëra publike përmes rrjeteve sociale dhe disa portaleve, ku në një video-je shihet një automjet me një person të dyshuar duke  përdorur aplikacione të ndryshme në telefon, me drita kinse vezulluese dhe duke  i ndaluar veturat civile  në autostradë, ka ndërmarrë veprimet e menjëhershme policore.

“Si rezultat i veprimeve të shpejta, personi i cili ka postuar videon në fjalë është identifikuar dhe i njëjti është sjellë në stacionin policor Obiliq dhe është intervistuar në cilësinë e të dyshuarit, pasi që ai gjatë asaj ngjarje në videon e publikuar, ishte prezantuar si zyrtar policor”, ka njoftuar policia.

Pas intervistimit dhe përfundimit të procedurave nga njësia e hetimeve është kontaktuar prokurori kujdestar i cili ka sugjeruar që të iniciohet rasti  “Prezantim i rremë si person zyrtar”, ndërsa i dyshuari me vendim të prokurorit është dërguar në qendrën e mbajtjes për dyzet e tetë (48) orë.

TË NGJASHME

Komento

Shkruani komentin
Shkruani emrin

TË FUNDIT