Kur një pemë rrëzohet në pyll
A bën vallë ndonjë zhurmë?
Nëse askush nuk e dëgjon
Do të thotë se heshtja mbizotëron?
Apo i gjithë pylli ndoshta mbart
Thirrjet e kësaj peme të rënë
Përmes rrënjësh ajo zhvendoset
Deri në palcën e tokës
Dhe pastaj përmes gjethesh
në të gjithë atmosferën
Për vdekjen e një peme, lot
derdh, edhe universi vetë.
Hëna mungon, fshihet në re
Yjet qiellit ndihmë i kërkojnë
Kafshët mblidhen dhe përreth
pemës së rënë seç kuvendojnë
Gjithkush shqetësohet për të
Përveç nesh, qenieve njerëzore!
Përktheu në shqip: IRMA KURTI
