Tuesday, May 21, 2024
BallinaLajmeAkil Gjakova intervistohet nga Policia, me vendim të Prokurorit dërgohet në mbajtje

Akil Gjakova intervistohet nga Policia, me vendim të Prokurorit dërgohet në mbajtje

Policia e Kosovës ka konfirmuar arrestimin e xhudistit kosovar, Akil Gjakova.

Ky i fundit është arrestuar pasi është vetë dorëzuar mbrëmë rreth orës 22:05 minuta, raportoi Gazeta Sinjali.

Detaje për rastin ka dhënë sot Policia e Kosovës, e cila ka njoftuar se xhudisti kosovar është dërguar në mbajtje.

“Lidhur me rastin është arrestuar i dyshuari mashkull kosovar dhe i njëjti pas intervistimit me vendim të prokurorit është dërguar në mbajtje”, njofton Policia e Kosovës.

Siç dihet, 28-vjeçari u shpall në kërkim ditën e djeshme nga Policia e Kosovës, me qëllim lokalizimin dhe rrjedhimisht arrestimin e tij, duke kërkuar edhe ndihmë nga qytetarët.

Xhudisti nga Peja është i ngarkuar me veprën penale “Dhunë në familje”. Ai dyshohet se ka ushtruar dhunë fizike ndaj gruas së tij.

TË NGJASHME

Komento

Shkruani komentin
Shkruani emrin

TË FUNDIT