Dy minj t’uritur
te sana kanë shkuar,
për t’gjetur ushqim
dhe për t’u strehuar.
Por macja laroshe
shpejt i ka diktuar,
menjëherë pas tyre
ajo paska shkuar.
Minjtë e shkretë
fort u frikësuan
u futen thellë n’sanë
jetën për t’shpëtuar.
Macja e uritur
fare nuk lëvizte
dhe priste gjahun
nga sana të dilte.
Nuk vonoi shumë
miu sanën shpërtheu,
sa me shpejtësi
macja e rrëmbeu.
Miu tjetër n’sanë
fort u pikëllua,
doli nga sana
shokun për t’kërkuar.
Sapo doli nga stogu
macja e diktoi
dhe miun në qafë
ajo e kafshoi.
E pësuan minjtë
nga macja e uritur,
ajo mbet te stogu
minj për të pritur.
