Sa herë largohem nga ti vendlindje
Kujtimet më thonë ,rri e mos ik !
Në shpirt ,unë , ndjej veç mall e dhimbje
Për vendin tim që e lashë një ditë
Rri e mos ik , më thotë fëmijëria
Të dalim bashkë atje në lëndinë
Mos ik , më thonë kujtimet e mija
Se këtu tek ne ,ti ,ke dhe rininë
Sa herë largohem nga ti vendlindje
Kokën shpesh e kthej, unë , prapa
Me vehte marr mallin bashkë me dhimbjen
Më s’më përcjellin ,nana e baba !
E mbi qerpik një lot më bie
S’mundem ta mbaj dhimbjen që kam
Kujtoj unë lisat kur rrija në hije
E prindërit e mi ,që më nuk janë
Nga trualli i vjetër, kur unë largohem
Kujtimet e mija ,aty i le
I hap unë krahët, me to përqafohem
E m’thonë ,kur të vish ,këtu na ke !
